Gedicht van Simon van Wattum op de fabriek geplaatst

Pekela 07 september 2020

 

Febrieksaarbaider

 

Laamplicht

Staait hel boven toavel

Wekker

Tikt de moat van tied

 

Kold en

Sloaperg in de vrougte

Staait e

Achter dode kaggel

 

Braid en

Swoar het brood op toavel

Vlôgge

Snidt e dat ien brôggen

 

Stilte

Op ainmoal verbroken

Klompen

Knistern troag op snitels

 

Schel-hoog

D’oele van t febriek

 

Brôggen

Gaauw in kraantpapier

Jekker

Aan en deur slagt dicht

 

Boeten

Is de swaarde moalstroom

Dij Doodlöpt

In de moele van t febriek